वसतिगृहाच्या स्थापनेनंतर पुढील काळामध्ये अनेक सामाजिक स्थित्यंतरे झाली. ज्याचा प्रभाव समाजावर पडून जीवनशैली, कुटुंबव्यवस्था, सामाजिक गरजांमध्ये बदल दिसू लागले. वसतिगृहासाठी काम करत असताना समाजधुरीणांना शिक्षणाव्यतिरिक्त इतरही सामाजिक गरजा व अडचणी लक्षात आल्या. सदर अडचणींचे निराकरण करणेसाठी व्यापक हेतूने कार्यरत संस्थेची गरज भासू लागली, म्हणून सारस्वत विकास मंडळ, कोल्हापूर या संस्थेची स्थापना करणेत आली. ही संस्था विविध सामाजिक उपक्रम यशस्वीपणे पार पाडत आहे.

12/04/1975 साली जसे विकास मंडळ स्थापन झाले त्याच्या उद्दीष्टामध्ये आपण वधूवर सुचक मंडळ स्थापन केले सारस्वत वधूवर मंडळाचेही हे सुवर्णमहोत्सवी वर्ष आहे त्यावेळी कै. अ. गो. कामत व के आशालता ताई कामत हे दोघे ते पहात असत. त्यानंतर हळूहळू प्रगती होत गेली मेळावा घेण्याचे नियोजन केले गेले.

नंतरचा काळात सारस्वत विकास मंडळच्या माजी अध्यक्षा श्रीमती अनुराधा तेंडूलकर यांनी त्यात सुधारणा करून फॉर्म छापून घेणे व नियमित मेळावे घेणे सुरू केले. साधारणपणे 1994 पासून नियमित मेळावे घेणे सुरू केले. बेळगाव, हुबळी, कारवार, सांगली, सातारा, गोवा, बेंगलोर, नाशिक, कुडाळ, कणकवली, नागपूर, हैद्राबाद, चिपळूण, रत्नागिरी, पूणे, मुंबई, सोलापूर, पंढरपूर, विजापूर, चंदगड, गडहिंग्लज, आजरा, राधानगरी, परदेशी नोकरी करत असलेल्या वधू वरांकडून उत्तम प्रतिसाद मिळतो आहेच.

मा. श्री. शरद प्रभावळकरांनी 2012 साला पासून मोठे योगदान दिले. व व्यवस्थित पध्दतीने कामकाज चालू झाले. त्यामध्ये अधिक सुसुत्रता आणली साधारणपणे पाच मेळावे हे दरवर्षी मोफत घेतले जातात. वधूवर मंडळाचे हे कामकाज वाढत गेले व त्यात सुधारणा होत गेल्या आता मोवाईल वर व कंप्युटरर्स वर कामकाज सुरू झाले आहे. मा. श्री अनिकेत दलाल यांनी आपल्या मंडळास कंप्युटर व लॅपटॉप दिला आधुनिक काळानुसार बदल केला आहे आता सध्या वॉटसअॅप वर वधू वरांची लिस्ट पाठवली जाते. याला उत्तम प्रतिसाद लाभला आहे कंप्यूटरर्स वर सर्व वधू वरांची नोंदणी केली जाते.े.

आता 2024 मध्ये सुवर्णमहोत्सवी वर्षानिमित्त वधूवर मंडळाचे कामकाज हे वेबसाईट मार्फत (Online) सुरू झाले आहे.